Kumalap ng iba’t ibang hirit mula sa mga netizens ang latest TikTok video ng Pasig City Mayor na si Vico Sotto.
Sa video ni Mayor Vico, ipinaliwanag niya ang kanilang style sa pamimigay ng mga pamaskong handog sa mga pamilyang Pasigueño.
‘DAMI KONG MAGANDANG SINABI PINAGTATAWANAN NIYO PHONE KO’ 😭
— Pilipino Star Ngayon Digital (@psngayondigital) December 2, 2024
Ganito ang naging pabirong hirit ni Pasig City Mayor Vico Sotto sa kanyang TikTok video kung saan makikita na ipinaliwanag niya ang estilo ng pagbibigay ng Pamaskong handog sa lungsod ng Pasig. pic.twitter.com/Ym7moddNMR
“Pasko na! Pamaskong handog na. Tatlong dahilan kung bakit gan’to ang estilo ng pamamahagi ng Pamaskong handog sa lungsod ng Pasig kung saan nagbabahay-bahay po tayo straight to the doorstep ng bawat pamilya [ng] konting pangdagdag sa Noche Buena natin tuwing kapaskuhan,” wika niya.
“Una, syempre gusto natin magbigay ng kasiyahan sa bawat pamilyang Pasigueño. Pangalawa, […] naging simbolo na po ang Pamaskong handog ng pagkakapantay-pantay natin sa mata ng ating gobyerno. […] Pangatlo, […] nagiging testing ground po ito ng iba’t ibang innovation ng ating lokal na pamahalaan gaya na lang po ng PasigPass,” paliwanag ni Mayor Vico.
Sa kabilang banda, tila hindi naman napigilan na mapansin ng ilang netizens ang quality ng video ni Mayor Vico.
“Mayor bat naman sa CCTV ng munisipyo ka nag video?” saad ng isang TikTok user.
“Mayor send gcash number … #PisoParasaCellphoneNiMayorVico,” wika ng isa.
“Mayor, okay lang po sa amin gamitin mo yung tax namin pambili mo ng Iphone 16 Pro Max 1TB kahit sampu pa.. Go mo na po yan,” pabirong hirit pa ng isang netizen.
“Mayor, mag-aambagan kami pang cellphone mo. Regalo po namin sayo,” biro pa ng isa.
Kasabay nito, tila nag-react naman si Mayor Vico sa mga komento ng netizens.
“Dami kong magandang sinabi pinagtatawanan niyo phone ko!!” hirit naman niya.
