Tila napa-“sana all” na lamang ang mga netizens matapos i-follow ng South Korean actress na si Song Hye-kyo ang TV personality na si Anne Curtis sa social media platform na Instagram.
SANA ALL, ANNE! 🤩
— Pilipino Star Ngayon Digital (@psngayondigital) May 26, 2025
South Korean actress na si Song Hye-kyo, nag-post sa Instagram story ng isang photo kung saan makikitang kasama niya ang TV personality na si Anne Curtis.
Kasabay nito, finollow din ni Hye-kyo si Anne sa Instagram. pic.twitter.com/TGUmgwngPy
Maliban sa pag-follow, nag-story din si Hye-kyo ng isang photo kung saan makikitang kasama niya si Anne.
Base sa kanilang Instagram stories, nagkita sina Hye-kyo at Anne matapos silang um-attend ng wedding ng Korean-American model at entrepreneur na si Irene Kim na ginanap sa Seoul, South Korea kamakailan.
Umani naman ng iba’t ibang reaksyon mula sa mga netizens ang naging interaction nina Hye-kyo at Anne.
“Literal na sana all‚ Anne!” komento ng isa.
“Prayer reveal mars!” wika ng isa.
“Lahat nalang sakses siya! Pinagpala!” dagdag pa ng isa.
Kilala si Hye-kyo sa kanyang remarkable roles sa mga K-drama na “The Glory,” “Descendants of the Sun,” “Full House,” “Autumn in My Heart” at iba pa.
Kasabay nito, matatandaan na kamakailan ay bumida rin si Hye-kyo sa isang Korean supernatural thriller film na “Dark Nuns.”
