Nanawagan si Direk Lauren Dyogi sa mga fans at supporters ng P-pop girl group na BINI na respetuhin umano ang personal space at privacy ng mga BINI members.
Ito ay matapos maging usap-usapan sa social media kamakailan ang ilang viral videos kung saan makikitang tila in-invade ng ibang fans ang personal space ng mga BINI members na sina Maloi Ricalde at Aiah Arcenta.
‘PLEASE SHOW RESPECT TO THEIR PRIVACY AND PERSONAL SPACE’
— Pilipino Star Ngayon Digital (@psngayondigital) July 5, 2024
Ganito ang naging panawagan ni Direk Lauren Dyogi sa mga fans at supporters ng P-pop girl group na BINI. pic.twitter.com/Rryk4RyrpL
“[…] These past few days, ako personally, I was able to see some very disturbing videos [of] some of our members who didn’t seem to enjoy their break from the very stressful three-night concert. They went to a public place because they wanted to unwind and to spend some time with their families, but unfortunately, naka-experience po sila ng hindi magaganda,” saad ni Direk Lauren.
Kasabay nito, idinetalye naman ni Direk Lauren ang unfortunate experience na naranasan kamakailan nina Maloi at Aiah.
“For Maloi, [she] went to a place where she was supposed to have dinner with her family pero hindi niya na po na-enjoy yung dinner na yon dahil people we’re so excited to see her, so they asked for pictures and really disrupting the dinner that was supposed to be spent with the family,” kwento niya.
“Aiah also had a not so nice experience in Cebu where may isang lalaki, may isang fan, who got so excited, nilapitan siya, in a way that’s very improper,” dagdag pa nito.
Dahil dito, nanawagan si Direk Lauren na i-respect ang personal space ng BINI members.
“Nakikiusap po ako personally, as part of the BINI team, na sana po ’pag ang ating mga miyembro ay… spending their personal time especially with their families and friends, to please also show respect to their privacy and personal space. Tao rin po sila, kailangan din po nilang makisalamuha sa ibang tao,” dagdag pa nito.
“Nakiusap po ako sa mga Blooms, at sa mga iba pa pong supporters nila, alam ko excited kayong makita sila, but please remember na sila po ay nanggagaling din po sa very hectic schedule these past few months, and more hectic schedules. We also want to give them their own semblance of some regular life to be able to spend it with their families in restaurants, and some private places as well,” pagpapatuloy pa niya.
#BINI : Advisory pic.twitter.com/Wp5EwzIj6s
— BINI_PH (@BINI_ph) July 4, 2024
Matatandaan na nitong Huwebes ay nauna nang nag-release ng statement ang Star Magic kaugnay sa nasabing issue.
