P-pop to the top!
Tila maraming netizens ang humanga sa P-pop girl group na G22 matapos silang mag-appear sa isang popular Taiwanese variety show na “Super Entourage.”
Sa episode ng nasabing variety show na umere noong November 11, itinanghal ng G22 ang kanilang hit song na “Boomerang.”
Matapos ang kanilang performance, pinuri naman sila ng mga hosts ng nasabing variety show.
“Crazy! We’re blown away [with your performance],” saad ng isa sa mga hosts.
Maliban pa rito, kamakailan ay naging guest performer din ang G22 sa isa namang Taiwanese survival show na “Atom Boyz 2.”
Dito ay itinanghal ng P-pop girl group ang isa sa kanilang mga hit songs na “Bang.”
Kaugnay nito, pinuri naman ng mga netizens ang G22 para sa kanilang sunod-sunod na performances sa international scene.
“Ang gagaling!! Your peak will come, G22! Kapit lang!” komento ng isang netizen.
“G22 louder!!! You girls are making us all proud! I’m a fan since day 1 and talaga namang world class performance ang bininigay nila,” dagdag pa ng isa.
Ang G22 ay isang Filipino girl group na nag-debut noong February 25, 2022 sa ilalim ng Cornerstone Entertainment.
Binubuo ang nasabing girl group ng tatlong members na sina Jaz, Alfea, at AJ. Kilala sila sa kanilang mga hit songs na “Bang,” “Babalik,” “Musika,” at iba pa.
