Kumalap ng iba’t ibang hirit mula sa mga netizens ang photo na ini-upload ng aktres na si Jennica Garcia.
Sa Instagram post ng aktres, makikita ang iba’t ibang mga ka-terno umano ng kanyang mga outfits. Kabilang sa mga ito ay ang ka-pareha na table cloth ng kanyang red dress.
“Ang dami ko pala talagang ka-uri. Dati carpet at vase lang. Ngayon pati table cloth, tupperware at plato na. Ayoko na bes!” biro ni Jennica.
'FEELING KO DIYAN MO LANG KINUHA 'YUNG TELA MO' ?
— Pilipino Star Ngayon Digital (@psngayondigital) March 13, 2024
Iyan ang naging pabirong hirit ng TV personality na si Melai Cantiveros-Francisco kay Jennica Garcia matapos mapansin na tila magkapareho ang kulay ng damit nito at ang isang table cloth.
"Jen, let's go na Jen," sabi ni Melai. pic.twitter.com/Z4LYqHJuQR
Bago pa ito, nauna nang nag-upload si Jennica ng photo ng vase na umano’y ka-terno rin ng blue dress na kanyang sinuot nang maging Star Patroller sa TV patrol.
“Pwedeng Magic Carpet, pwede rin Vase… pero wala pa rin nagma-mine,” biro niya sa kanyang post.
Kanya-kanya namang komento ang mga netizens sa post ni Jennica, kabilang na ang TV personality na si Melai Francisco.
“Hahahahhaahahhaha akala [mo] carpet ka partner isa ka palang vase,” sey ni Melai.
“Sakto yung shade ng red, ternong terno,” biro pa ng isa.
Samantala, marami mang ka-terno sa kanyang mga outfits ay umani naman ng papuri mula sa mga netizens si Jennica.
“Whatever she wears, it doesn’t matter. She is a very good actress filled with humility. And that’s why she is being admired and loved by many. May you continue to shine!” komento ng isa.
