Nag-open up ang Pinoy Big Brother (PBB) housemate na si Joaquin Arce patungkol sa kanyang deafness sa recent episode ng naturang reality show.
“Pinanganak po akong bingi sa kanan kong tenga. Never ko po naranasan na may dalawa po akong tenga na nakakarinig,” saad ni Joaquin.
‘NEVER KO PO NARANASAN NA MAY DALAWA PO AKONG TENGA NA NAKAKARINIG’
— Pilipino Star Ngayon Digital (@psngayondigital) November 26, 2025
Ganito ang inihayag ng Pinoy Big Brother (PBB) housemate na si Joaquin Arce makaraang mag-open up siya patungkol sa kanyang disability sa recent episode ng naturang reality show. pic.twitter.com/tOHA5FsWtG
Kahit siya’y may kapansanan, sinabi ni Joaquin na hindi niya umano nakita ang negative effects nito.
“But my entire life, I’ve been looking at it in such a positive light, na hindi ko po napansin ’yung mga negatibong effects,” wika niya.
Kasabay nito, ibinahagi rin ni Joaquin na nakatulong ang kanyang mga magulang sa pag-enforce ng positivity sa kabila ng kanyang disability.
“Nu’ng lumalaki po ako, hindi ko po naramdaman na [may] special needs po ako kasi ’yung mga magulang ko po, they treated me like I wasn’t deaf. They didn’t treat me na kawawa ako, ganun. They enforced positivity na dahil dito, unique ako,” pahayag niya.
Kwento niya, tinuturing niya umano ang kanyang disability bilang kanyang “superpowers.”
“As a kid, inisip ko po siya na superpowers ko siya. Superpowers are what makes superheroes unique,” saad niya.
“Dahil po dito, actually I made it a habit na mas [makinig] sa mga tao, para maring ko lahat ng mga sinasabi [nila],” dagdag pa nito.
‘OUR SON IS COMPLETELY DEAF IN HIS RIGHT EAR’
— Pilipino Star Ngayon Digital (@psngayondigital) November 13, 2025
Ganito ang inihayag ng aktres na si Angel Locsin patungkol sa Pinoy Big Brother (PBB) housemate na si Joaquin Arce. pic.twitter.com/7Hbbyf5acW
Kaugnay nito, matatandaan na kamakailan lamang ay nag-tweet din ang aktres na si Angel Locsin patungkol sa disability ng kanyang stepson.
“I don’t usually comment, but seeing Joaquin grow from a little boy into someone who helps, listens, and keeps the peace at home makes me proud,“ wika ni Angel sa isang post.
“If he ever talks a bit loud or doesn’t respond, please forgive him — our son is completely deaf in his right ear,” dagdag pa ng aktres.
