Inihayag ng aktres na si Kylie Padilla na proud siya sa aktres na si AJ Raval.
Ito ay matapos i-reveal ni AJ sa programa na “Fast Talk with Boy Abunda” kamakailan na mayroon silang tatlong anak ng aktor na si Aljur Abrenica.
“Third one is Althena, ’yung panganay po namin ni Aljur. Junior, and then Abraham,” pag-amin ni AJ.
Ayon kay Kylie, “very courageous” umano ang ginawang pag-amin ni AJ.
“I’m happy that as a mother, AJ feels a sense of freedom for her children. That was very courageous and brave of her. I’m proud as a mother too. I know that was the right thing for her to do,” pahayag ni Kylie sa statement na kanyang ipinadala sa nasabing programa.
Pagbabahagi pa ni Kylie, close din ang kanyang mga anak na sina Alas at Axl sa mga anak ni AJ at Aljur.
“It’s true, sobrang mahal ng mga anak ko ang mga kapatid nila and that means everything to me and to us as their parents. Labas na ang mga issues namin dun,” saad ni Kylie.
Kaugnay nito, humiling din si Kylie sa mga netizens ng “empathy” para kay AJ.
“I hope we all find peace and that we also give AJ some empathy. Puwede na sila mag-date magkakapatid nang hindi nagtatago,” dagdag pa ng aktres.
“Happy that now ‘di na kailangan mag tago. Proud of you peace all around. Sana matapos na drama,” wika pa ni Kylie sa isa niyang Facebook post.
