Nag-open up ang former Pinoy Big Brother (PBB) housemate na si Bianca de Vera patungkol sa kanilang “unique” family setup.
Sa isang interview kay Bianca ni Bernadette Sembrano sa programang “Tao Po,” sinabi nito na kahit magkahiwalay na ang kanyang mga magulang, nakatira pa rin sila under one roof.
‘WE HAVE 4 FLOORS. MY DAD IS ON THE SECOND FLOOR, AKO PO SA THIRD, AND SI MOMMY SA FOURTH’
— Pilipino Star Ngayon Digital (@psngayondigital) August 26, 2025
Ito ang ibinahagi ng former Pinoy Big Brother (PBB) housemate na si Bianca de Vera matapos mapag-usapan sa isang panayam ang patungkol sa kanilang family setup. pic.twitter.com/E94V0J2aDG
“We have 4 floors. My dad is on the second floor, ako po sa third, and si mommy sa fourth,” pagbabahagi ni Bianca.
“So ganun po kami, sandwich po kami. We live under one roof pero my parents are no longer together,” dagdag pa nito.
Ayon kay Bianca, hindi rin naging madali ang kanilang family dynamics.
“Growing up po, it feels really painful for me, kasi parang ang mindset ko po talaga nu’n was that,sana, isang bagsakan lang ‘yung pain. Pero ’yung feeling ko kasi, araw-araw ko nakikita ’yung ganung klaseng dynamic, so araw-araw din po ako nasasaktan,” pagpapatuloy pa niya.
Sa kabilang banda, sinabi rin ni Bianca na grateful siya sa kanyang nayamapang furbaby na si Peach dahil nabigyan sila nito ng moment bilang isang pamilya.
“[…] Nu’ng time na ’yon [na namatay si Peach], nakita ko rin po ’yung parents ko together in one room nang ganun, all three of us hugging for the first time in many many years,” pahayag ni Bianca.
“So ayon, thankful din ako kay Peach kasi in a way, that was the moment that I’ve been longing for a very very long time,” pagpapatuloy niya.
Matatandaan na nito lamang May 2025 pumanaw ang kayang furbaby.
