Viral ngayon sa social media ang photo ng South Korean singer-songwriter na si Koo Jun-yup, o mas kilala bilang DJ Koo, kung saan makikita ang pagbisita nito sa puntod ng yumaong asawa at Taiwanese actress na si Barbie Hsu.
Ayon sa ulat ng The Korea Times, araw-araw umano bumibisita si DJ Koo sa puntod ng yumaong asawa sa Jinbaoshan Cemetery sa New Taipei City sa Taiwan.
“Witnesses say Koo has continued to stay by the graveside, even through heavy rain and extreme heat,” saad sa naturang ulat.
Kaugnay nito, spotted din ng ilang Taiwanese netizens si DJ Koo na nasa tabi ng puntod ni Hsu.
“I took a group to Jinbaoshan Cemetery to lay flowers for Barbie Hsu. I saw a man sitting alone in the center of the graveyard. As I approached, I realized it was Koo Jun-yup. He politely thanked us,” saad ng isang Taiwanese netizen sa social media platform na Threads.
“I used to think visiting a loved one’s grave every day was unrealistic. But Koo completely changed my view. We quietly laid our flowers and left without disturbing him,” wika pa ng netizen.
Matatandaan na pumanaw si Hsu sa edad na 48 noong February 2, 2025.
Ayon sa ulat ng South China Morning Post, pumanaw si Hsu dahil sa isang flu-triggered pneumonia.
Kilala ang Taiwanese actress sa kanyang pagganap bilang Shan Cai sa series na “Meteor Garden.”
