Nag-open up ang aktor na si Alden Richards patungkol sa mabigat na pinagdaanan niya noong nakaraang taon.
Sa isang interview kay Alden ng GMA Integrated News, sinabi ng aktor na “lowest year” niya umano ang 2024.
TRIGGER WARNING: DEPRESSION
— Pilipino Star Ngayon Digital (@psngayondigital) May 23, 2025
‘KUNG MERON PANG MAS MABABA SA ROCK BOTTOM, I WAS THERE’
Ito ang ibinahagi ng aktor na si Alden Richards matapos siyang mag-open up patungkol sa pinagdaanan niya noong nakaraang taon. pic.twitter.com/qDOGvVnG9D
“Kung meron pang mas mababa sa rock bottom, I was there. I think last year was my lowest year. Rock bottom. It took me six months to get over that,” wika niya.
“Hindi naman siya clinically diagnosed, but that was depression, at it’s finest. Before kasi hindi ko siya kayang pag-usapan kasi hirap ako, ayokong magpakita ng weakness,” dagdag pa nito.
Kasabay nito, nabanggit din ni Alden ang patungkol sa kanyang pagiging overly generous.
“Inuuna ko muna lahat ng tao bago sarili ko. But last year, I think that was my breaking point. Kasi minsan ’di ba tayo, we always go out of our way to help other people. Tulong, tulong, tulong. Bigay, bigay, bigay. Ang nangyari sakin, paglingon ko do’n sa timba ko, wala na palang natira sakin. And then that broke me to a million pieces,” pagbabahagi niya.
“Yun yung times kasi na when you’re crowded with a lot of negative thoughts, alam mong meron kang mga kasama, alam mong nandyan yung mga taong nagmamahal sayo, pero hindi mo ma-proseso nang tama yung emosyon mo. Hindi mo maproseso nang tama yung pag-iisip mo. It’s very hard to be present. Kahit nandito ka, wala ka dito,” dagdag pa nito.
On Alden’s love life
Sa naturang interview, natanong din si Alden patungkol sa kanyang love life.
“Di ko gets bakit ganon ang mindset natin palagi, na ang basis ng kasiyahan ng isang tao eh lovelife,” wika niya.
Ayon sa aktor, sa ngayon ay nais niya munang mag-focus sa kanyang mga projects.
“It’s just this is my story, this is how I want my story to be told. Not based on the presumption of other people. I’m so done with that. I’ve been here long enough. I’ve done so much for the industry, and I like to do more for the industry,” pahayag pa niya.
