May kwelang reaksyon ang aktres na si Angelica Panganiban patungkol sa pelikula ng bestfriend na si Kim Chiu at Paulo Avelino na “My Love Will Make You Disappear.”
“Mula umpisa hanggang matapos, talagang ngumingiti ka lang. Of course, may mga moments na makikinig ka but most of the time talagang mapapasigaw ka, tatawa ka nang malakas, as in laugh out loud film siya,” pahayag ni Angelica sa panayam ng ABS-CBN News.
‘FRIENDS DAW SABI… PERO GANUN MAGHALIKAN’
— Pilipino Star Ngayon Digital (@psngayondigital) March 27, 2025
Ito ang pabirong hirit ng aktres na si Angelica Panganiban matapos mapag-usapan sa isang panayam ang patungkol sa pelikula nina Kim Chiu at Paulo Avelino na “My Love Will Make You Disappear.” pic.twitter.com/08GPogbrJr
Ayon pa kay Angelica, proud din umano siya para sa kanyang kaibigan na si Kim.
“Nakaka-proud bilang mga kaibigan dahil kitang-kita mong trinabaho talaga ni Kim yung buong pelikula. And bagay na bagay talaga sila ni Pau. Dito ko na-confirm na bagay nga talaga,” wika ng aktres.
“Congratulations, Kim. Parang si Kim lang talaga yung gusto kong i-congratulate, talagang panalong-panalo siya sa mga ginawa niya kay Pau,” mensahe naman ni Angelica kay Kim.
Biro pa ni Angelica, nabilang umano nila ang kissing scenes sa nasabing pelikula.
“84 million [yung kissing scenes],” hirit ni Angelica.
Nang matanong naman si Angelica patungkol sa relationship status nina Kim at Paulo: “Friends daw sabi… Pero ganun maghalikan.”
Samantala, nag-react din si Kim sa naging pahayag ng kaibigan sa isang post sa X.
“HOOuuuiiiii!!!! Bat naman may paganun mga momsy!!!!!!,” saad ni Kim.
HOOuuuiiiii!!!! Bat naman may paganun mga momsy!!!!!! 😂😂😂 #MyLoveWillMakeYouDisappear https://t.co/UWrdnlaL1Q
— kim chiu (@prinsesachinita) March 26, 2025
Matatandaan na nag-premiere sa mga sinehan ang nasabing pelikula nito lamang March 26.
RELATED VIDEO:
