Sub-unit ng K-pop boy group na SEVENTEEN na BooSeokSoon o BSS, nakatakdang mag-release ng kanilang second single album na “Teleparty” sa January 8, 2025.
Inanunsyo ang nasabing comeback ng talent agency ng SEVENTEEN na Pledis Entertainment nitong December 26.
Kasabay nito, nag-release din ng teaser video ang BSS para sa kanilang upcoming comeback.
“This content was planned during the first half of 2024, and does not represent any actual persons, events, entities, or locations,” saad naman sa disclaimer ng kanilang teaser video.
Binubuo ang BSS ng mga SEVENTEEN members na sina Boo Seungkwan, Kwon Soonyoung, o mas kilala bilang Hoshi, at Lee Seokmin, o mas kilala bilang Dokyeom (DK).
Kilala ang BSS sa kanilang mga hit songs na “Fighting (Feat. Lee Young Ji),” “7PM,” “Just Do It,” at iba pa.
Maliban pa rito, kilala rin ang BSS para sa kanilang kanta na “The Reasons of My Smiles,” ang official soundtrack ng South Korean TV series na “Queen of Tears.”
Matatandaan na huling nag-release ng album ang BSS noong February 6, 2023.
Samantala, nakatakda namang pumunta ang BSS, kasama ang kanilang grupo na SEVENTEEN, sa Pilipinas sa January 18 at 19, 2025, para sa kanilang “Right Here” world tour.
