Nag-react ang former “Expecially for You” searchee na si Atty. Oliver Moeller patungkol sa pagli-link ng mga netizens sa kanya at sa TV personality na si Kim Chiu.
“I’ve always thought Kim [is] such a pretty person. She’s from Cebu so yeah, I mean, I guess you could say that,” saad ni Oliver sa isang exclusive interview ng ABS-CBN.
Kaugnay naman nito, diretso ring naitanong kay Oliver kung nililigawan niya na ba umano si Kim.
“I don’t think it’s fair that I speak about that without Kim’s permission. So I’m so sorry, I hope you understand… But Kim… Kim’s pretty nice. Nice person,” wika niya.
Matatandaan na noong April 6 ay sumalang bilang searchee si Oliver sa segment na “Expecially for You” ng It’s Showtime kung saan napili siyang maka-date ng beauty queen na si Michelle Dee.
Kasabay nito, naging usap-usapan naman sa social media ang muling pagbisita ni Oliver sa It’s Showtime studio nito lamang April 16.
‘PARANG MAY BINIBISITA SIYA RITO’
— Pilipino Star Ngayon Digital (@psngayondigital) April 16, 2024
Ito ang naging hirit ng It’s Showtime host na si Vhong Navarro matapos bumisita sa Showtime studio si Oliver.
“Ay, nandito si Oliver oh. Si Atty. Oliver oh,” wika ni Vice Ganda.
“Parang may binibisita siya rito,” hirit ni Vhong. pic.twitter.com/6Rt6YuF9IB
“I just want to meet some friends, want to thank the people of Showtime and ABS-CBN for inviting me,” pahayag naman niya nang mapag-usapan sa nasabing interview ang kanyang muling pagbisita sa Showtime.
