Spotted ang former ENHYPEN member na si Lee Heeseung sa isang brand event sa Seongsu, Seoul, South Korea nitong Miyerkules, April 22.
Um-attend si Heeseung ng photo call para sa Qrsessed, isang contact lense brand sa South Korea.
Sa naturang brand event, makikitang nakabihis si Heeseung ng simple black suit. Kasabay nito, makikita rin ang kanyang bright blonde hairstyle.
Ito ang kauna-unahang public appearance ni Heeseung bilang isang solo artist na may stage name na Evan.
Matatandaan na halos isang buwan na ang nakalipas matapos i-anunsyo ng talent agency na Belift Lab ang pag-alis ni Heeseung sa K-pop group na ENHYPEN.
“HEESEUNG will be preparing a solo album as an artist under BELIFT LAB,” wika nila.
Samantalada, nakatakdang mag-debut si Heeseung bilang solo artist na ilalim ng stage name na Evan.
“The name ‘EVAN’ captures an alternate dimension of his identity and represents the essence of his musical artistry. Through this persona, he aims to share a sound shaped entirely by his own unique color and emotional depth,“ pahayag ng Belift Lab.
Sa ngayon ay hindi pa inirereveal ang actual date ng solo debut ni Heeseung.
