Inilarawan ng TV host na si Kim Atienza si Camille Prats bilang “pambansang dopamine” matapos mag-viral ang isa nitong clip sa “TikToClock.”
Matatandaan na sa naturang show, nakiramay ang mga “TikToClock” hosts kay kuya Kim matapos pumanaw ang anak nito na si Emman Atienza.
Matapos makiramay ng mga hosts ay agad naman nilang winelcome si Camille.
“Ating tropa, mag-ingay para sa paborito nating mars, Camille Prats!” pagpapakilala ng mga hosts kay Camille.
'VERY EFFECTIVE SI CAMILLE PRATS SA AKIN… HANGGANG NGAYON, NATATAWA PA RIN AKO'
— Pilipino Star Ngayon Digital (@psngayondigital) November 26, 2025
Iyan ang naging saad ng TV host na si Kim Atienza sa isang interview sa 'Fast Talk with Boy Abunda' matapos mapag-usapan ang aktres na si Camille Prats. pic.twitter.com/fKVT83syZ4
Sa interview ni Kim sa programa na “Fast Talk with Boy Abunda,” inamin niya na maging siya ay natawa rin sa paraan ng pagkaka-introduce kay Camille.
“Pag tingin ko, trending na siya eh. Siguro mga 5,000 comments na nung nakita ko eh at natawa ako, Boy,” pagbabahagi niya.
Ani pa ni Kim, naging effective way din ito upang mawala ang kanyang kalungkutan.
“Natanggal ang lungkot ko. Very effective si Camille Prats sa akin, talagang ‘pag nakikita ko hanggang ngayon, natatawa pa rin ako,” saad niya.
Kasabay nito, inilarawan pa ni Kim si Camille bilang “pambansang dopamine.”
“Siya na ang Pambansang Dopamine, the Dopamine of Asia. ‘Ang mahal nating mars, Camille Prats’,” dagdag pa niya.
Matatandaan na pumanaw ang anak ni Kim na si Emman noong October 22, 2025.
