Trending kamakailan sa social media ang TV personality na si Rufa Mae Quinto matapos siyang mag-reply sa tanong ng isang netizen pagkaraan niyang mag-guest sa noontime variety show na It’s Showtime.
Matatandaan na nitong July 15 ay naging guest si Rufa Mae sa nasabing noontime show kung saan nag-perform siya ng ilang songs sa opening ng programa.
“Sana maregular ka po sa Showtime, masaya siguro banters niyo ni Meme Vice,” sey ng isang netizen.
“I regular myself haha,” reply ni Rufa.
'I REGULAR MYSELF' 😭
— Pilipino Star Ngayon Digital (@psngayondigital) July 16, 2024
Iyan ang naging tila hirit ng TV personality na si Rufa Mae Quinto matapos itong mag-guest sa noontime show na "It's Showtime" nitong July 15. pic.twitter.com/FGZ716quG5
“I approve myself to be regular in the [show business] haha,” dagdag pa nito.
‘I APPROVE MYSELF TO BE REGULAR’ 😭😆
— Pilipino Star Ngayon Digital (@psngayondigital) July 16, 2024
Kumalap ng iba’t ibang hirit mula sa mga netizens ang post ng TV personality na si Rufa Mae Quinto matapos siyang mag-guest sa noontime show na "It’s Showtime" kahapon. pic.twitter.com/eoM0tk6pFM
Maliban pa rito, nagpasalamat din si Rufa makaraang mag-trending ang hashtag na #ShowtimeGowNaGow noong araw ng kanyang guesting.
“Salamat sa hashtag and nag no. Trending ako mabuhay ang Pilipinas! I love you all,” pagpapatuloy pa niya.
Tila maraming netizens naman ang naaliw sa mga posts ni Rufa sa social media platform na X.
“Hindi mo kailangan ma regular ng ibang tao cause you regular yourself hahaha,” komento ng isang netizen.
“Ikaw lang talaga yung artistang naririnig kahit binabasa mo lang,” dagdag pa ng isa.
