Hindi umano naniniwala ang beauty-queen actress na si Kylie Verzosa na nararapat na manatiling “friends” ang mag-ex partner.
Ito ang inihayag ni Kylie sa vlog ni Ogie Diaz, makaraang mapag-usapan nila ang patungkol sa experience ng beauty queen sa kanyang mga past relationships.
“I don’t believe exes should be friends,” sey ni Kylie.
Aniya, ang hindi pagiging friends sa ex-partner ay sign umano ng respect para sa bagong partner.
“Respeto din sa bago mong partner… at sa bago niyang partner. Ako, you can be civil, pero hindi kayo ’yung nakikipag-usap, ‘Hi, how are you? Kumusta ka na?’ To me, medyo weird ’yun pero you can be civil,” wika niya.
“Pwedeng you don’t have any bad feelings against each other but I don’t think there should still be a friendship kasi bakit pa?” pagpapatuloy pa nito.
“Actually, iba kasi ’yung sa akin kasi matagal. Matagal yung relationship. Buong 5 years, baka engaged na kayo, friends pa kayo tapos naghiwalay pa kayo, parang ‘Huh?’ Weird,” saad niya.
Paglilinaw naman ni Kylie, pwede pa rin naman umanong maging friends ang mag-ex partner na galing sa “quick relationship.”
“Pero kung siguro mabilis lang or it was like a quick relationship, sure. You can become friends,” pahayag pa nito.
“But if it is a long relationship, a committed relationship, and we’re talking about the future, ‘di ba, the span of the relationship has passed. You can be okay with one another but you still need to talk to one another. When you see each other, okay, fine, it’s okay to talk,” dagdag pa nito.
