Ibinahagi ng aktor na si Alden Richards na nakatanggap siya ng scholarship mula sa isang aviation school para maging isang piloto.
Sa isang press conference, sinabi ng aktor na isang aviation school mula sa Clark, Pampanga ang nag-offer ng naturang scholarship.
‘THERE’S BEEN AN AVIATION SCHOOL IN CLARK THAT OFFERED A SCHOLARSHIP FOR ME TO BE A PILOT’
— Pilipino Star Ngayon Digital (@psngayondigital) March 31, 2025
Ito ang ibinahagi ng aktor na si Alden Richards sa isang press conference matapos mapag-usapan ang patungkol sa pagtupad ng kanyang mga pangarap. pic.twitter.com/4xFr2LNTbF
“Right now, siguro pwede ko nang i-share… Since I’ve been very vocal about being a pilot, so there’s been an aviation school in Clark that offered a scholarship for me to be a pilot,” wika ng aktor.
Pagbabahagi ni Alden, personal dream umano ng kanyang ama ang maging piloto.
“I’m very excited with that. It has been my dad’s dream also, personal dream niya actually to be a pilot, so sabi ko, ’Sige Dad, since medyo 59 ka na… Ako na lang,’” kwento niya.
Kaugnay nito, ibinahagi rin ni Alden na wala rin umano siyang fear of flying.
“Wala po [akong takot]. Nag-sky dive nga po ako sa Dubai. As in mahilig po ko sa matataas na lugar. It gives you a bird’s eye view of everything. Parang, figuratively speaking, ine-eject ka niya sa mundo, pag nasa taas ka. So yeah, I love to fly,” pahayag niya.
Sa kabilang banda, sinabi naman ni Alden na excited siya sa kanyang bagong journey.
“So yun, I’m very excited for that. Hopefully, kung kaya this year, matapos ko yung course, then lipad lipad na tayo,” wika pa ng aktor.
